【imperfect反而更perfect？】- 出醜效應(The Pratfall Effect)
#不當完美的人 #管理學 #出醜效應 #UCD
-----------------------------------
之前我就分析過作為一個領導者同下屬之間保持最佳距離係最perfect，唔做太貼地又唔做太離地，咁另一方面如果做到處處完美無瑕會唔會令自己更受下屬歡迎呢？答案原來係唔會的，點解？
一個著名心理學教授曾經做過試驗，分別播出四段訪問人士片段俾測試對象收睇，第一位受訪者係傑出優秀人士，行為談吐充滿自信，充滿大將之風；第二位收訪者一樣傑出優秀，不過表現有點怕羞，訪問間仲唔小心倒瀉咖啡；第三位受訪者係正常普通人，訪問中唔算緊張但對答無甚驚喜；最後一位受訪者一樣只係正常普通人，無令人深刻印象表覝，仲要同第二位一樣唔小心倒瀉咖啡。事後心理學教授就叫測試對象響四個受訪者裡面揀一位最鍾意同一位最唔鍾意，結果顯示最不受大家歡迎係第四位受訪者，而最出奇的是最受大家歡迎並唔係第一位，而係超過九成人揀的第二位受訪者，這就是著名的「出醜效應」。
「出醜效應」話俾我地知當一個人本身已經有出色成就，如果犯左無關痛癢小錯，不單止唔會減低人地對佢好感，仲會覺得佢夠真誠同更加值得信任，反而如果表現到所有事情都完美無缺，反而會俾人一種高不可攀感覺，慢慢降低信任程度，因為大家都知道根本無人係「零死角」，所以如果你工作上表現本來已經得到大家肯定，而間唔中出現少許錯誤，反而會令你更受歡迎同關係更加close。
同樣你望到身邊另一半間唔中犯下一兩樣小錯，係咪都令你更死心塌地？
出醜效應(The Pratfall Effect)參考資料：
http://www.managetrainlearn.com/page/the-pratfall-effect
Search